A vous eautes tertous nos amisses du Cabaret

Comme vous eautes tertous, on est « confinés » à no baraque, infin rinserrés quoi.

I n'a rien à faire, i feaut faire tout quoi c' qu'i nous dist'ent d' faire pou s'protéger et protéger les eautes. Ch'est vraimint important.

Mais cha n'impêche pos d'pinser à vous eautes

Ainsin, on veut vous dire ichi qu'on busie à vous eautes tertous et qu'on est à côté d'vous dins ces moumints difficiles

On est à côté

- des ceusses qui seont malates
- des ceusses qui seont tout seus
- des ceusses qui eont du mau à n'pos vir' leus infants et leus p'tit's-infants
- des commerçants qui eont d'vu serrer boutique
- des patreons qui eont d'vu mette leus ouverriers et leus imployés à l'tique
- des ceusses qui n'peuv'tent pus gagner leu vie
- de tous les ceusses qui s'démintent commint que d'main cha va d'aller
- de tous les ceusses qui d'meur'tent à l'ouvrache pou les eautes: tout l'personnel médical, les gins qui oueff'tent dins les magasins qui seont cor ouverts, nos policiers et nos pompiers, les ceusses qui rintent des p'tits services à les gins qui viv'tent tout seu dins leu quartier...

MERCI à eusses tertous

On vous asseure qu'on va tout faire pou vous faire rire et vous donner acore pus d'plaisi quand c'que ceulle salop'rie d' virus s'ra obliée

In attindant, on vous imbrache tertous (par internet on peut acore), on vous serre la pince pou les ceusses qui n'aim'tent pos treop les baisses

Perdez soin d'vous, des eautes

Corache, optimisme et solidarité : treos meots importants (i-a qu'cha qui queompte pou l'moumint)

A béteôt

Tout l'Cabaret in pinsée et d'tout cœur « rouche et blanc » avé vous eautes