19 janvier 2011 par Catoupi  

Ch'est à n' pos croire comme ein an cha passe vite, éné!

Surtout qu'au Cabaret, on n'arrête pos bramint tout au leong d'l'ainnée, avé les p'tits cabarets in janvier et in mars, l' fi ête du Cabaret in sétimpe et l'Orvue du meos d'novimpe.

Et i feaut cor rajouter tout des prestatieons philanthropiques qu'on fait gratuit'mint, cha va sans dire. Mais cha va acor mieux in l' disant...

Adeon, nous ov'là ichi au début de l' saiseon et d'jà les p'tits cabarets d' janvier i z'arriftent: cha s'ra saim'di 22, verdi 28 et saim'di 29, comme d'habitute à l'Halle aux Draps, et comme d'habitute à huit heures du soir.

On ouvère les portes à sièt heures. Ch'est toudis réservé à les hommes. Ahais, eine vielle traditieon, pou les p'tits cabarets d'janvier et d' mars. Mais l' restant d' l'ainnée, les madames i seont les binv'nues, savez!

D'ailleurs au meos d' féverrier, i-ara ein p'tit cabaret «tout public» à l'Halle aux Draps.

Orvéneons à janvier: i d'a d'jà bramint qui z'eont d'jà leu carte d' mimbre. Pou les éautes, pos d' problème, i suffi t d' vénir à l'intrée ein des treos soirs de cabaret, et d'acater s' carte, qui deonne dreot à l'intrée pos seul'mint in janvier, mais aussi in mars et deux intrées à l'Orvue!

Ch'est pos bieau, cha ?

Adeon, si vous voulez treos heures de riache, d' beonne humeur, de foutache de gins (surtout des politiciens), mais aussi d' tindresse et d' poésie, n'hésitez pos eine minute!

Rindez-vous à l'Halle aux Draps!

Catoupi