23 mars 2011 par Albert Tièle  

Banjour les amisses, Ej' vous l' dis tout d'eine, ceulle histoire est eine pure fi ctieon.

Ceull' homme, mossieu Moijeux, i-écrit eine pièche... Ein vrai chef-d'oeuvre à ç'qu'i dit... I s'met in tiête de l'mette in scène, et pour cha, i feaut qu'i trouèfe des gins qui voudreont bin faire les guignols avec li mais surtout pour li.

Pou l'z'appâter, i dit que s' santé, elle n'est pos beonne, qu'i va béteot morir et qu'cha li f'reot plaisi d'êt' su les planques au moinsse acore eine feos.

I-a bin seûr eine paire de brafes gins qui s' laichent printe au jeu et Moijeux i-est fi n hureux de s' mette bin in évidince pa-d'vant l'public. I-n'd'a qu' pou li du début qu'à l' fi n. L'critique, elle est exceptionnelle, ch'est seûr, vu qu'i veut qu' les journaleux moutrent leus commintaires avant l'parutieon dins l' presse et d' pouvoir canger tout ç'qui n' pourreot pos êt' de s' goût.

Quand i l'a jeué deux feos, i-invite tous les gins de l' troupe autour d'eine tape pour fair' les queomptes. Là, i trouèfe eine carabistoule pour dir' qu'i warde les liards du bénéfi ce pour orcommincher su des beonnes bases l'ainnée d'après. Tous les berleos sont fi ns bénaisses in s'disant qu'i pourreont ormonter su les planques et continuer à faire les guignols.

L'ainnée d'après, i-ormet cha avec ein éaut' chef-d'oeuvre (qu'i dit). Quand i l'eont jeué deux feos (ch'éteot pos l' peine d'orlouer eine salle pour eine troisième feos, i n'areot d' tout' façeon pus eu perseonne): rebelote, i ming'tent, i-orfeont les queomptes. Et là, l'discours n'est pus l'même: «Ej vas warder les liards pour avoir eine poire pour la soif, on n'sait jamais, questieon qu'on orcomminch'reot l'ainnée qui vient».

I-a si bin wardé les liards, qu'i n'a pus donné signe de vie à tous les guignols qui-aveotent fait confi ance à Moijeux.

On suppose qu'i deot êt' su l' peot tous les jours avec eine beonne drisse, pasque ch'est des kileos et des kileos d' poires qu'i-a pu acater avec les liards qu'i-a wardé.

I paraît qu'i vit asteur tout seu et que s' pus grand passe-temps, c'est d' critiquer tertous. Surtout les voleus et les arnaqueus. Ch'est vraimint l' meonte à l'inviers.

Comm' je l'diseos in comminchant: ceull' histoire, ch'est eine fi ctieon, mais si i d'a qui s'orconnaich'tent dins l' personnache et qu' cha leu pique, i n'eont qu'à s'gratter.

A r'voir les amisses.

Albert Tièle