12 mars 2014 par Catoupi

On est à peine sortis des cabarets d' janvier, qui pass'tent pou l' momint à notélé, et v'là qu'on busie d'jà à les cabarets du meos d' mars !

Ahais, quoi ç' qu'i veont acore trouver comme carabistoules à raqueonter ? Difficile à dire, pasque vous ne l' savez pétête pos mais les cancheonniers du Cabaret Walleon i z'attind'tent alfeos l' dernier momint pour avoir d'z'idées d' cancheons.

I feaut orconnaite que si on veut parler d' l'actualité, on n' peut pos écrire eine cancheon treos meos à l'avanche. Et ch'est alfeos dins l'urgince du dernier momint qu'on écrit les meilleurs cancheons.

Eine informatieon importante tout n' même : ç' cabaret i n' s'ra pétête pos filmé par notélé, vu qu'i z'eont ein aginda bin chargé et qu'i n' saftent pos ête tout partout. Adeon pou les messieurs, i n' feaut pos dire : "bah i-est beon, j' n'y vais pos, j'orwett'rai à l' télé, pasque j' sus mate, ou bin j' deos ouvrer à m' gardin, ou bin madame elle ne veut pos, ou bin acore éaute queosse...". Neon, i feaut v'nir vir in direct ! In puque, l'imbiance d'ein cabaret ch'est espécial, on n'ortrouèfe pos cha à l' télé.

In conclusieon : notez dins vo calinderrier : 21 et 22 mars à 20h à la Halle aux draps. On ouvère les portes à 19h. Si vous avez d'jà vo carte, ch'est gratuit. Sineon, vous pouvez acater vo carte sur plache. Beon amus'mint !

Catoupi