Asteur qu’on arrive tout douch’mint à l’fin du championnat et qu’on sait dusqu’on jeuera l’saiseon qui vient, j’voudreos vous parler d’l’ornouvieau du FC TOURNAI.
Neon, je n’me fous pos des gins et cha n’a rien à vir avec l’affaire Zarzecki – on areot été propes avec li – mais puteôt du sintimint qu’ceulle déquinte in troisième divisieon elle deonne ou bin elle orquinque l’moral des troupes.
Je n’sais pos si vous avez suivi l’actualité mais feaut bin orconnaîte qu’in Belgique, on n’fait jamais rien comme les éautes !
Neon, je n’vous parlerai pos d’politique. D’abord pasqu’i n’a rien à dire vu qu’on tourne in reond d’puis eine paire de meos…et dins ç’cas-chi, eine paire ch’est pus que deux …
J’supposse que vous avez suivi avec bramint d’attintieon l’désignatieon pou l’Coupe du Meonte 2018. Ainsin, cha s’f’ra in Russie. Et j’sus seûr qu’i-a bramint d’amateurs de fotbal qui deot’tent ête déçus. Pinsez deonc, on areot eu des matches par ichi, à Charleroi, à Bruches, à Lièche ! Ahais mais cha ch’est ein des côtés d’l’affaire.
D’ein éaute côté, mi j’trouèfe que ch’est p’tête eine beonne cosse que cha n’se f’ra pos ichi.
Si vous m’lisez, ch’est qu’vous êtes des amateurs de fotbal, éné ? Alors j’supposse que comme mi, vous avez orwettié l’match que les Belches i z’eont jeué in Russie. Et même qu’i z’eont gagné !
Mais si j’vous parle asteur de cha, ch’est puteôt pou l’mise au vert qui z’aveot’tent prévu. Hé bé je n’sais pos si ch’est leu n’incien intraîneu ADVOKAAT qui leu z’a j’té ein sort, mais i z’eont eu bramint d’détoule pour eusses arriver à destinatieon !
Tout i-a été chamboulé. D’abord, i n’eont pos su atterrir dusqu’i deveot’tent. Après cha i n’eont pos su dormir dusque ch’éteot prévu. Final’mint, i n’seont arrivés qu’eine paire d’heure avant l’match. Et pos l’temps de s’préparer !
Je n’sais pos si vous avez été au Brussels diminche passé mais pour eine feos que j’fais in déplach’mint, j’ai été servi !
Tout d’abord, j’aveos promis à m’feimme de l’im’ner dins in restaurant à Anderlecht. Ch’éteot surtout pour ête sur plache puisque le stade i s’trouveot à quate kilonètes du resto. Donc in dix minutes, on areot d’vu y ête.
Je n’sais pos si vous êtes au courant, mais à ç’soir on va fiêter ein
fameux évén’mint ! Commint ? Vous ne l’savez pos ? Neon, je n’vous parle
pos de l’visite de Lommel, même si i seont dins le héaut du class’mint !
Neon, à ç’soir on va mette quéqu’ein à l’honneur !
Bin seûr que vous l’connissez… Si vous orwettiez l’émissieon « Chint
pour chint et Or » su No Télé, on cite s’neom tous les s’maines. Ch’est
Jacques BAUCAMP, l’caméraman de no télévisieon locale. Et à ç’soir, on
va l’mette à l’honneur pasqu’i va filmer…, t’nez vous bin, s’millième
match ! Vous s’rindez queompte ?
Mille matches d’fotbal, par tous les temps, dins tout’s les conditieons,
bé i feaut l’faire !
Vous n’s’rez pétête pos d’accord avec mi mais j’trouèfe qu’à l’Unieon
Belche cha orsanne pus à n’ein cirque qu’éaute cosse !
Cha n’est p’tête pos nouvieau vu qu’on a d’jà eu droit à du cinéma i-a
eine paire d’ainnées avec l’affaire Pardo. A ç’momint-là, on orprocheot
d’jà à l’Fédératieon qu’i-a rien qu’i-éteot au point questieon
informatique vu que l’neombre d’cartes guéaunes i n’éteot pos mis à jour
! Ch’est d’jà malin !
Et alors, z’êtes in forme ? Pasqu’aujord’hui, ch’est l’Derby ! Ouais, i
parait qu’on appelle cha ainsin, même si les éaut’s i seont d’l’éaut’
côté de l’frontière linquistique. Vous m’direz quand ç’que l’Sporting de
Charleroi i jeue cont’ el’Standard, on appelle cha ein derby walleon…
Et ch’t’ainsin qu’pou Mouscreon s’in sortir et faire ein grand clup de
l’Wallonie Picarte, i-aveot pinsé à racater l’matricule de l’Unieon du
Centre… On ara tout vu.
Infin, orvennons au match de ç’soir ! Ahais, « el derby » !
Dins la vie, i-a deux sortes d' gins : les ceusses qui n' seont jamais
contints et leus ceusses qui seont toudis contints.
Dins les ceusses qui seont toudis contints, i d'a cor ed' deux sortes:
les ceusses qui moutrent qu'i seont contints, et les ceusses que te n'
sareos pos dire qu'i seont contints.
Par eximpe, j' vas printe (au hasard) René Vandérékèn et l' présidint d'
l'unieon belche ed' fotbal. Ch'est deux ziques qui seont toudis
contints. René Vandérékèn, li, i pouveot gagner (rar'mint) ou perte
(bin pus souvint) avé l'équipe nationale, i n' rieot jamais (i-aveot pos
d' quoi) mais i-éteot toudis contint (on s' déminte pourquoi), in
disant qu'i-aveot vu des belles queosses su l' terrain. On s' démindeot
alfeos, à part les pompom girls, quoisqu'i-aveot pouvu vir ed' bieau su
l' terrain...
Vous allez p’tête trouver cha biête mais mi j’aime bin ces espressieons qui veul’tent alfeos dire bin pus qu’on n’pinse. Et surtout quand ç’que ch’est dit dins no beon vieux patois.
Ainsin, « cang’mint d’pâture, ch’est l’paradis du vieau » vous avez bin compris qu’cha veut dire que l’cang’mint et l’variété cha a souvint du charme et qu’cha peut deonner bin du plaisi. Et qu’on s’ortrouèfe comme cha « dins l’panche d’eine vaque »…
Ch'est quand même à n' pos croire, qu'i-a toudis des fotbaleus qui s' croiftent obligés d' jeuer avé les mains. D'abord, pou s' débarrasser d' l'adversaire in l' poussant. Ou bin pou s'appuyer d' sur li pou faire eine tiête. Ou bin pire, pou li foute eine baffe quand i-a traité t' mamère ou t' pétite soeur. Infin pou faire ein geste malpropre au public (qui l'insulte pétête, mais ch'est pos eine raiseon).
Mais orvéneons à l' base du fotbal. In inglais, cha veut dire "balle à s' pied". A m' meote qu'i d'a bramint qui n' connaiss'tent pos l'inglais. D'accord, on n' peut pos leu z'in vouloir pour cha. Mais beon, d'puis tout p'tit on jeue avec ein balleon d' fotbal, adeon, ch'est tout n' même pos campliqué à comprinte !
Z’avez vu cha dins l’gazette l’z’évén’mints qui s’pass’tent asteur dins les matches d’jeones ! I-a d’cha, deux s’maines, ch’t’ein intraineu du FC qui s’a fait taper d’su par eine supportrice de Beveren pindant qu’deux éaut’s i tapeot’tent d’su l’arbite ! Et l’malhureux tournaisien i s’a ortrouvé à l’hôpital, i-a d’vu s’faire opéré et asteur i n’peut pus ouvrer pindant acor ein meos ! Et tout cha à causse d’eine binte de sauvaches !
Et l’ov’là que l’sémaine passée, ch’est des supporters de l’Antwerp qui z’eont buqué su des jeueux d’Eupen !
J’supposse que comme tertous vous avez intindu parler des problèmes de l’Excelsior de Mouscreon qui, à ç’qu’i parait, n’va pos fort bin ! D’puis l’temps qu’on in parle, cha n’éteonne pus perseonne asteur.
Vous m’dis’rez : « Pourquoi qu’on leu z’a donné l’licince si ch’est pou l’orprinte eine paire de meos après ? ». Cha, cha n’nous orwette pos et l’commissieon des licinces elle n’a qu’à s’in morte les deogts si elle n’a pos fait ç’qu’i falleot.
Comme tous l’s’ans, à parel’ époque, cha s’ra béteôt l’Orvue du Cabaret Walleon. Et comme chaque feos, elle se jeuera à l’Maseon de l’Culture.
Ceulle ainnée, l’ Cabaret i va nous im’ner dins eine toute nouvelle auberche, l’Auberche du Père Mich’lin.
Pour les ceusses qui suif’tent eine milette l’actualité, i d’venn’reont bin seûr de quoi ç’qu’i s’agit.
Et vous ad’veinez tout quoi ç’qu’i peut s’passer dins eine auberche, éné ?
Ch’est seûr qu’on in veot d’tous les sortes ; des gins qui vienn’tent in voyache – général’mint i-a toudis bramint d’tourisses dins les hôtels – des gins d’par-chi, des gins d’pus leon. Cha fait qu’ainsin pindant près d’treos heures, on va printe plache dins le hall de l’hôtel et on va découvert bramint d’affaires, ch’est mi que j’vous l’dis.
J’espère bin qu’vo moral i n’est pos acor atteint pasque pou l’quart d’heure, i n’a vraimint pos d’quoi pavoiser !
On m’dira tout ç’qu’on veux, mais si vous voulez m’n’avisse, on a d’vu
j’ter ein sort sur no n’équipe pasque d’puis l’orprisse, i n’a rien qui
tourne reond !
Hé bé cha ch’t’affaire avec Anderlecht-Standard ! I n’se passe pos ein jour sans qu’on in parle !
N’s’inquiétez pos, j’vas arrêter là pasque ch’est pétête malhureux
ç’qui s’a passé d’su l’terrain mais final’mint, si on a fait tant
d’histoires, ch’est justemint pasque cha s’a passé au Parc Astrid et
justemint conte les Rouches ! Vous pinsez bin qu’si cha sareot passé à
Zulte-Waregem conte l’GBA, on n’d’areot tout juste parlé dins
l’week-end sportif !
Vous n’savez pos comme j’sus contint d’vous ortrouver dins l’gazette
des « Sang et Or ». Et j’pinse bin qu’mes deux compagneons i
n’attind’tent qu’cha aussi.
J’espère que vous avez passé d’beonnes vacances et qu’vous orvenez au stade Luc Varenne in pleine forme.
Ceulle feos-chi, cha z’y est ! Nous ovlà qualifiés pou l’tour final !
Et j’pinse qu’i n’d’a pos bramint qui osreot’tent dire que ch’n’est pos mérité ! Après l’saiseon qu’les « Sang et Or » i z’eont fait, ch’est tout à fait normal qu’on l’s’ortrouèf’tent dins les cheonq prumiers.
Bé, v’là l’saiseon qui tout bell’mint arrife au d’bout.
On peut dire que nos joueux i-eont fait bin pus que d’nous inchanter tout au long des matches qui z’eont jeué et i z’eont même dû , comme tertous faire face à l’adversité, à ein arbitrache pos toudis à leu n’ avintache et même à des mintiries des gins d’Tirlemont qui n’eont pos raté l’coche d’mette ein club walleon hors jeu (mais on n’a pos dit no dernier meot, savez…) in accablant l’malhureux Breleur d’tous les maux imaginapes pou casser du suque su s’deos.
J’vas ichi m’faire taper d’sus pa l’comité mais j’n’areos pos su ténir m’lanque pus lonmint !
I-a été décidé l’sémaine passée de r’former deux clups in provinciale. L’but ch’est d’abord de faire jeuer nos jeunes. Insuite, ch’est d’faire progresser les deux clubs jusqu’in prumière provinciale pou pouvoir les aguerrir et leu donner l’niveau pou servir l’équipe fanion du Fotbal Clup.
Hé bé cha ch’t’affaire avec Mouscreon ! I-a pos ein jour qui s’passe sans qu’on in parle !
J’deos avouer qu’ch’est malhureux pou les supporters et surtout pour les jeones qui jeut’tent à l’Excelsior mais dins l’feond d’mi même, je n’sais pos plainte les dirigeants. Vous allez pétête m’comprinte.
Vous savez ç' que ch'est qu'ein agoneu ? In français, cha veut dire "tricheur". C'meot-là, on pourreot l' dire à bramint d' fotballeus (surtout in prumière divisieon), à chaque queop qu'i feont de l' comédie pour eusses avoir ein pénalty.
D'z'injures ainsin, du temps des derbys, on n' d'intindeot d' tous les sortes dins les deux camps; et cha resteot du folklore, à part eine paire d'énergumènes ed' chaque côté qui z'éteot'tent ein p'tit queop trop excités, mais hureus'mint, i n' d'aveot pos d' treop...
Je n’sais pos ç’que vous in pinsez mais mi je n’sais pos m’in ravoir !
On dit alfeos qu’in Belgique, i n’feuat pos grand cosse pour orlancher l’conflit linguistique mais je m’rinds queompte que ch’est souvint les ménapiens qu’i-ormettent d’l’huile su l’feu !
Diminche au matin, j’raviseos téléfoot et j’éteos cor à mi-temps indormi de l’rache qu’on aveot fait eine beon souper de l’velle au soir chez ein beon comarate du cabaret que ch’t’ein cuisteot à s’in sucher les deogts quand j’ai été réveillé tout d’ein queop.
Manchester City i-éteot prêt à acater Kaka (on n’a pos idée d’s’app’ler ainsin) pour 120 millieons d’euros et d’li deonner ein salaire net d’ein millieon et d’mi d’euros par meos (mi j’queompte acore in francs belches, cha fait 60 millions par meos….) si ch’est pos scandaleux……
J’deos avant tout vous souhaiter, vu qu’i n’est pos trop tard, eine beonne et hureusse ainnée, pour vous-éautes et pour tous les ceusses qui vous seont chers, comme on dit. Et surtout eine beonne santé pasque sans cha, on n’fait pos bramint d’affaires, éné ?
Z'avez seûr'mint vu à l' télé les imaches d' Bruches-Standard i-a eine paire de jours. I feaut bin l'orconnaîte, même quand on n'est pos supporter, eul Standard i-est fort, surtout dins les matchs importants. Malhureus'mint, quand i jeut'tent queonte des p'tites équipes ou bin si l' match i n' sert à rien (comme à Stoutgarte), là i seont bin moins efficaces.
Dins l' feond, pétête que Tournai i-areot eu eine sanche de s' qualifier in coupe de Belgique si i-areot cait queonte les Liégeois.
T’as d’jà busié à tous les neoms qu’on donne à nos équipes d’fotbal.
Ainsin chez nous z’eautes, ch’est les « Sang et Or ». Comme elle dit no cancheonne l’or ch’est l’richesse (et i-in feaut au jour d’aujourd’hui pou faire tourner ein club ed’fotbal) et l’sang l’énergie du corps (et nos jeueux i n’in manqu’tent pos quand te veos qui tienn’tent l’tiête à tous les clubs qui z’eont d’jà eine riche espérieinse de l’divisieon ein).
Z’avez vu qu’à Mons, no n’incien intraîneur i s’a fait foute à l’cour ! I feaut dire que d’après ç’que j’ai li dins les gazettes, i deveot faire face à des durtes tiêtes !
Infin, cha ch’est s’problème mais cha n’impêche que nous-éautes on l’aimeot bin tout n’même ! Mais ch’est li comme ein éaute, i trouv’ra bin ein éaute clup !
Et alors, z’êtes fin prêts pour mardi qui vient ? Pasque ch’t’ein évén’mint tout n’même ! Vous s’rindez queompte : l’Sporting d’Anderlecht i va avoir l’honneur d’jeuer contr’ el Foltal Clup de Tournai !
Bé cha fait treos s’maines qu’on a l’impressieon qu’on jeue in diviseon ein.
T’as eu Beveren que si l’arbite i n’aveot pos eu des cachifes à ses is, bé, on areot eu l’point qu’on mériteot ! Après cha, on a été à Saint Trond que si l’match i-aveot duré eine minute de moinse, on areot or’vénu avé ein point bin mérité. Saint-Trond, ch’n’est pos ein client non pus et i conneot mieux l’divisieon ein que l’divisieon deux et asteur v’là l’Brussels. Eh, bé cha ch’est championnat !
Cha fait eine série d’bieaux matches pou l’public et aussi pou les jeueux .
Ov’là qu’ j’orviens à m’ maseon ; m’ pétit garcheon i-a jeué à ç’ matin avé s’n’équipe ed’ diablotins. Inter nous : i-a bin jeué, i-a gagné, i-est contint pasqu’i s’intind bin avé ses copains, et mi, j’sus hureux de l’ vir ainsin.
Mais aujord’hui, je m’ rinds queompte qu’à chaque feos qu’i jeue au fotbal, j’ormeonte eul temps, trinte ans in arrière, et j’orpinse à l’intraineur qu’j’ai eu, quand j’ teos rot’leot, in cadet.
Et alors, z’êtes in forme ? Pasque ch’est l’jour J, ch’est l’Derby !
Ah, j’sais bin ç’que vous allez m’dire : « Ch’n’est tout n’même rien à côté de ç’qu’on a connu dins l’temps, quand ç’que ch’éteot l’derby inter l’Unieon et l’Racin’ ! »
Tous l’z’amateurs ed’ fotbal i z’eont été estomaqués par nos jeones fotbaleus à les jeux olympiques. I-aveot d’l’inthousiasme, du cœur, du cran ; i seont bramint culeottés, ces p’tits rot’leots !
Eh, bé cha i-est, nous ov’là orpartis pou eine nouvelle saiseon et…cha n’s’ra pos eine sinécure : quate décindants et ein barragiste, eh, bé, ch’est tout l’divsieon qui va ête in transe pindant tout l’saiseon.
Tertous i sait que l’deuxième saison ch’est l’pus dur’te alors, on va s’accrocher au mitant d’tous les clubs flaminds et d’eine paire deWalleons qui restent. Si on perd l’Union Saint Gilloisse, on récupère l’Olympic et l’fotbal club de Lièche. On peut cor s’apprêter à faire bin des kilomètes…..
J’espère que vos vacances i se seont bin passées ! Et qu’vous avez su éviter les queops d’solel ! Si vous êtes restés par ichi, i n’a pos d’problème, éné ?
Magazine
Bonjour, savez, mes gins.